"Нефтчи" иқтидорли дарвозабон билан шартнома имзолади

Фарғонанинг "Нефтчи" клуби Ўзбекистон U-17 терма жамоасининг асосий таркиб дарвозабонларидан бири бўлмиш Иброҳим Шокиров билан шартнома имзолади. Бу ҳақида клубнинг матбуот хизмати маълум қилди. 
 
Ўсмирлар ўртасида ўтган Жаҳон чемпионатида порлаган ва ўзини ижобий тарзда намойиш эта олган Шокиров янги мавсумни Водийнинг Фарғона клубида бошлайди. 
 
Маълумот ўрнида, бир неча дақиқа олдин "йўлбарслар" Ўзбекистон U-17 терма жамоаси сардори ҳисобланган Мўминхон Баҳодирхонов трансферини ҳам эълон қилган эди.