"Нефтчи" июль ойида Россиянинг амалдаги чемпиони билан ўртоқлик учрашувида майдонга тушади

"Нефтчи" бош мураббийи Исломбек Исмоилов матбуот анжуманида мавсум иккинчи давраси олдидан жамоани муҳим халқаро синов кутаётганини маълум қилди.

Фарғоналиклар 8 июль куни Россиянинг Санкт-Петербург шаҳрида амалдаги мамлакат чемпиони — “Зенит” жамоасига қарши халқаро ўртоқлик учрашувида майдонга тушади.

Баҳс замонавий ва муҳташам “Газпром Арена” стадионида бўлиб ўтади ва "йўлбарслар" ушбу учрашувда меҳмон сифатида иштирок этади.