"Нефтчи" легионер футболчиси билан расман хайрлашди! (Фото)

"Нефтчи" украиналик легионер Юрий Батюшин билан хайрлашди. Бу ҳақда клуб матбуот хизмати хабар берди. 

Жорий йилнинг бошларида "Нефтчи"нинг Туркиядаги йиғинларига келиб қўшилган ва шартнома тузган украиналик ярим ҳимоячи Батюшин жамоани  тарк этди. 

Юрий "Нефтчи" таркибида биринчи давранинг 6 учрашувида асосан захирадан майдонга туширилиб, 68 дақиқа ўйнаган, бир учрашувда голли узатмага муаллифлик қилган. 

"Жамоамиз номидан Юрий Батюшинга миннатдорчилик билдирган ҳолда, унга кейинги фаолиятига омад тилаб қоламиз", - дейилади хабарда.