“Нефтчи” мухлислари жамоанинг очколари каби яна кўпаймоқда, Олмалиқда ўша аҳвол, “Навбаҳор” эса ҳамон етакчи!

SPORTS.uz сайти ҳар турдан сўнг мухлислар ташрифи борасидаги статистикани тузиб чиқишидан хабарингиз бор, албатта. Бу гал ҳам ушбу анъана давом этади.

24-турда Суперлиганинг 6 ўйинини томоша қилиш учун стадионларга жами 34575 нафар томошабин ташриф буюрди. Бу кўрсаткич бир учрашувга ўртача 5762.5ни ташкил қилади.

Энг кўп мухлис Намангандаги “Навбаҳор” – “Металлург” қарама-қаршилигини кузатди – 11250. Охирги пайтлада натижалари яхшиланаётган “Нефтчи” иштирокидаги учрашувга 6449 томошабин келгани ҳам эътиборга молик.

“Локомотив” ва “Бунёдкор” иштирокидаги турнинг марказий баҳсини 3825 томошабин кузатди холос.

Энг кам мухлис эса Олмалиқдаги АГМК – “Сўғдиёна” ўйинида қайд этилди – 2055.

Қуйида йигирма тўртинчи турга келган энг кўп мухлислар кетма-кетлиги билан танишишингиз мумкин:

“НАВБАҲОР” – “МЕТАЛЛУРГ” 0:0. 11250 томошабин.

“ПАХТАКОР” – “БУХОРО” 2:1. 6541 томошабин.

“НЕФТЧИ” – “НАСАФ” 3:1. 6449 томошабин.

“ҚИЗИЛҚУМ” – “ҚЎҚОН-1912” 1:0. 4455 томошабин.

“ЛОКОМОТИВ” – “БУНЁДКОР” 2:1. 3825 томошабин.

АГМК – “СЎҒДИЁНА” 2:0. 2055 томошабин.