“Нефтчи” ёш футболчиси билан шартномани узайтирди

“Нефтчи” Шоҳрух Ёқубжонов билан шартномани узайтирди, деб хабар бермоқда клубнинг матбуот хизмати.

Хабарингиз бор, Шоҳрух "Нефтчи"нинг ёш ва иқтидорли футболчиларидан бири ҳисобланади. Шу сабабли, клуб мутасаддилари ўйинчини жамоада олиб қолишга муваффақ бўлди. Маълумотларга кўра, Ёқубжонов клуб билан амалдаги шартномаси икки йил муддатга узайтирди.

Бундан ташқари, “йўлбарслар” янги мавсум бошланишидан аввал бир қатор футболчилар ва мураббийлар билан дўстона хайрлашганини эълон қилган эди.

Маълумот ўрнида, Суперлига жамоаси 49 кунлик Антальядаги йиғинни якунлаб, қолган машғулотларни Ўзбекистонда давом эттиради.