"Нефтчи” ёзги таътилга чиқди

Ўзбекистон кубоги гуруҳ босқичидаги сўнгги учрашувдан сўнг “Нефтчи” жамоаси қисқа муддатли ёзги таътилга чиқди. Бу ҳақда клуб матбуот хизмати хабар берди.

Маълумки, 11 июндан футбол бўйича Жаҳон чемпионати старт олади. Ўзбекистон миллий терма жамоаси ҳам ушбу мундиалда иштирок этиши сабабли Суперлигада танаффус юзага келди. Шу боис фарғоналиклар аъзоларига қисқа муддатли таътил берилди.

Исломбек Исмоилов бошчилигидаги “Нефтчи” 10 июнь куни Туркиянинг Анталия шаҳрида ёзги ўқув-машғулот йиғинини бошлайди. Режага кўра, жамоа 24 июнь куни Ўзбекистонга қайтади.

Шундан сўнг клуб Суперлиганинг иккинчи давраси ҳамда мавсумнинг қолган қисмига тайёргарликни ўз қароргоҳида давом эттиради.