“Нефтчи” — “Қизилқум” учрашуви учун чипталар тез фурсатда сотилди!

Хабарингиз бор, “Нефтчи” жамоаси 22 ноябрь куни соат 16:15'да Ўзбекистон Суперлигаси 29-тур доирасида Фарғона шаҳридаги “Истиқлол” марказий стадионида Навоийнинг “Қизилқум” клубини қабул қилади.

Бугун эрталаб соат 09:00 дан бошлаб “Истиқлол” ва Марғилон шаҳридаги махсус кассаларда ушбу қизиқарли учрашув учун чипталар сотувга чиқарилган эди. Қисқа вақт ичида барча чипталар сотиб бўлинган  ва бу жараён 2 соатдан кўпроқ давом этган.

Маълумот учун, ҳозирги пайтда Виталий Левченко шогирдлари 61 очко билан турнир жадвалида пешқадам ҳисобланади.