"Нефтчи"га қарши учршувда "Динамо" мухлислари учун 9 та текин автобус қўйилади

"Динамо" жамоаси Суперлига 2-тури доирасида Жиззахда Фарғонанинг "Нефтчи" клубини қабул қилади.

"10 март, якшанба куни бўлиб ўтадиган марказий ўйинда "Динамо"га "12 ўйинчи" бўлмиш мухлисларнинг қўллаб-қувватлаши жуда муҳим.

Шу боис, жонкуяр мухлисларнинг Жиззахдаги ўйинга ташкилий тарзда бориб-келиши учун "Динамо" фан-клуби томонидан 9та катта замонавий автобус қўйилган. Бу автобусларда мухлисларнинг фан-клуб ҳамроҳлигида бориб-келиши бепул бўлади", - дея хабар берди "кўҳна шаҳарликлар" матбуот хизмати.

Эслатиб ўтамиз, "Динамо"нинг уй стадиони айни пайтда таъмирланаётгани сабаб жамоа ўз уй ўйинларини Жиззахда ўтказмоқда.