"Нефтехимик" дуранг қайд этган ўйинда легионерларимиз қайдномага киритилмади, сабаби...

Россия Миллий футбол лигасининг 34-турида “Нефтехимик” сафарда “Факель” билан 1:1 ҳисобида дуранг ўйнади. Лекин меҳмонлар сафида ҳамюртларимиз – Вагиз Галиулин ҳам, Бобир Давлатов ҳам майдонга тушишмади. Улар ҳаттоки захирада ҳам йўқ эди.

Вазиятга ойдинлик киритиш учун sports.uz мухбири легионерларимиз билан алоқага чиқди. Маълум бўлишича, Давлатов шамоллаб қолгани учун “Нефтехимик” билан ўйинга бормаган. Галиулин эса оёғининг панжасига шикаст етгани сабабли учрашувни ўтказиб юборган.

“Нефтехимик” навбатдаги учрашувни 7 апрель куни ўз майдонида “Шинник” жамоасига қарши ўтказади. Умид қиламизки, ушбу беллашувгача легионерларимиз сафга қайтишади.