Немислар Англия грандлари сўраётган футболчини бермаяпти

Англия Премьер-лигасининг уч гранди – “Манчестер Юнайтед”, “Челси” ва “Тоттенхэм” Бундеслигада Дортмунднинг “Боруссия” клуби шарафини ҳимоя қилаётган ярим ҳимоячи  Феликс Нмечага жиддий қизиқиш билдирмоқда.

Бу ҳақда Caught Offside хабар қилмоқда.

Манбага кўра, немис клуби 25 ёшли футболчини узоқ муддатли лойиҳанинг бир қисми, деб билади ва уни Англияга қўйиб юборишни истамаяпти.

Дортмундликлар агар ўйинчини ушлаб қолишни уддалай олмаса, бу трансфердан имкон қадар кўпроқ фойда олишга уриниб кўриши айтилмоқда. Шу сабабли “Боруссия” Нмечани трансфери бўйича 60–65 миллион евродан кам маблағ кўрсатилган таклифларни кўриб чиқмайди.

Нмечанинг қишки трансфер ойнасида Дортмунддан кетиши эҳтимоли пастлиги ва трансфер ёзда амалга оширилиши таъкидланмоқда.

Жорий мавсумда Нмеча барча мусобақаларда 28 та ўйинда қатнашиб, бешта гол урди ва учта голли узатмани амалга оширди. Унинг клуб билан шартномаси 2028 йилнинг ёзигача амал қилади. Transfermarkt маълумотига кўра, бозор қиймати 45 миллион евро.