Немислар ПСЖ футболчиси бўйича музокара бошлади

«Боруссия» (Дортмунд) клуби Европа Чемпионлар лигаси ғолиби ПСЖнинг ёш вингери Ибраима Мбайени ўз сафига қўшиб олиш бўйича фаол иш олиб бормоқда.

Инсайдер Фабрицио Романо хабар беришича, дортмундликлар аллақачон Париж клуби раҳбарияти билан боғланиб, эҳтимолий трансфер шартларини муҳокама қилишни бошлаган. Иқтидорли 18 ёшли футболчига Англия премьер-лигаси жамоалари ҳам жиддий қизиқиш билдирмоқда.

Transfermarkt портали маълумотларига кўра, Ибраима Мбайенинг бозор қиймати 30 миллион евро атрофида баҳоланмоқда. Унинг амалдаги шартномаси яна икки йилдан сўнг якунланади. 

Ёш сенегаллик ҳужумчи ПСЖнинг асосий таркибида турли мусобақалар доирасида жами 42 ўйин ўтказган, шу вақт мобайнида 4 та гол уриб, 4 та голли узатма амалга оширган.