Неймар аргентиналиклар устунлигига барҳам бермоқчи
Европа Чемпионлар лигасининг навбатдаги учрашувида “Лейпциг” дарвозасини ишғол қилган Неймар ушбу мусобақада энг кўп гол урган Жанубий Америка футболчилари рўйхатида учинчи қаторга кўтарилиб олди.
Неймар “кўҳна қитъа”нинг энг нуфузли турниридаги голлари сонини 36 тага етказиб, уругвайлик Эдинсон Каванидан ўзиб кетди.
Энди олдиндан уни аргентиналик тўпурарлар натижаси кутиб турибди. Хусусан, иккинчи ўринда қайд этилган Серхио Агуэронинг ҳисобида Чемпионлар лигасида киритилган 40 та гол бор. Неймар бу натижани такрорлаши ва ҳатто янгилаши қийинчилик туғдирмайди.
Аммо Неймар фаолиятининг охиригача ҳам Лионель Месси рекордига ета олмайди. “барселона” етакчиси ушбу турнирда рақиблар дарвозасини 118 марта аниқ нишонга олган. Лео Жанубий Америка футболчилари ўртасида яққол пешқадам бўлишдан ташқари, жаҳон миқёсида Роналдудан кейин иккинчи ўринда бормоқда.
Маълумки, Криштиану Чемпионлар лигасидаги 131-голини нишонлади.
Фикрлар