Неймар кетади. ПСЖ унинг нархини эълон қилди
ПСЖ ҳужумчиси Неймар фаолиятида яна ўзгариш бўлиши кутилмоқда.
Бразилиялик футболчи клуб билан янги шартнома борасида бир тўхтамга келгани йўқ. “Барселона” президентлигига номзод бўлганларнинг аксарияти ўз режаларига Неймарни Каталонияга қайтаришни мақсад қилиб қўйган.
Шу боис, ёзда ҳужумчининг бозори қайнайдиган кўринади. Бунга ўз вақтида тайёргарлик кўриш учун ПСЖ Неймар сотишга қарор қилди. Футболчини олмоқчи бўлган жамоалар камида 100 миллион евродан воз кечиши керак бўлади.
Неймарнинг парижликлар билан шартномаси 2022 йилнинг ёзигача давом этади. Бразилиялик футболчи 2017 йилда рекорд сумма – 222 миллион евро эвазига Каталониядан олиб келинган эди.
Фикрлар