Неймар Мбаппе кутган супертўпурар трансферини тўсиб қўйгани ошкор бўлди

ПСЖ раҳбарияти ёзги трансферлар вақтида жамоа ўйин схемасини ўзгаришни режалаштиргани маълум бўлди. Парижликлар майдонда 4-4-2 схемасидан фойдаланмоқчи бўлган.

Бунинг учун клуб хўжайинлари Неймарни сотиб юбориб, Килиан Мбаппега ҳужумдаги шерик сифатида Роберт Левандовскини олиб келишни мўлжаллаган.

Неймар жаҳон чемпионати олдидан жамоани ўзгартиришга қарши чиқди. Қолаверса, ҳар мавсум 50 миллион евро атрофида маош оладиган юлдузни ўз сафига қўшиб олишга тайёр клубни топишнинг деярли имкони бўлмади.

Шунга қарамай, Неймар янги мавсумда ажойиб ўйин кўрсатяпти. Бразилиялик футболчи барча турнирларда тўққизта учрашувда иштирок этиб, ўз ҳисобига тўққизта гол ва саккизта голли пас ёздириб қўйди.