Неймар янги жамоага ўтганини расман эълон қилди

Саудия Арабистонининг “Ал-Ҳилол” клуби билан ҳамкорлик шартномасини бекор қилган Неймар фаолиятини Бразилияда давом эттиришга қарор қилди.

Машҳур футболчи ижтимоий тармоқдаги саҳифасида “Сантос” билан расмий шартнома имзолаганини маълум қилди.

- Оғайнилар, ўзимни ҳудди ўтмишга қайтгандек ҳис қиляпман. Бу ерда мен оилам ва дўстларим билан учрашдим, - деб ёзди 32 ёшли футболчи.

Неймар “Сантос” тарбияланувчиси ҳисобланади. Бу жамоанинг асосий таркибида 2009-2013 йилларда тўп тепган. Бу вақт мобайнида барча турнирларда 225 марта майдонга тушиб, 136 та гол ва 64 та ассист муаллифи бўлган.

Кейинчалик “Барселона”, “Пари Сен-Жермен” ва “Ал-Ҳилол”да тўп тепди.

Неймар клублар миқёсида жами 591 та учрашувда иштирок этиб, ўз ҳисобига 360 та гол ва 220 та голли пас ёздириб қўйган. Бразилия терма жамоасида эса, 128 та ўйинда 79 та гол урган ҳолда футбол қироли Пелени ортда қолдирган.