Неймарга кутилмаган харидор чиқди

UOL нашри хабарига кўра, "Милан" ПСЖ ҳужумчиси Неймарга қизиқиш билдирмоқда. А серия жамоаси уни ижарага олмоқчи.

Манба берган хабарга кўра, клуб 30 ёшли бразилияликнинг трансфери - "россонерилар" жаҳон футболига даражасига қайтганини билдиради, деб ҳисобламоқда.

Италия клуби ҳужумчининг бутун маошини тўлаш имкониятига эга эмас. Миланликлар Неймарга йилига 15-20 миллион евро тўлай олишини билдирган ва қолган маблағни Франция клуби ўз зиммасига олишини кутмоқда.

Неймар ўтган мавсум ПСЖнинг барча мусобақалар доирасидаги 28 ўйинда иштирок этиб, 13 та гол ва 8 та голли узатмани амалга оширди. Ҳужумчининг парижликлар билан шартномаси 2025 йилнинг 30 июнига қадар мўлжалланган.