Неймарнинг ПСЖдаги келажаги Мбаппега боғлиқ

Бразилиялик ҳужумчи Неймар ПСЖда қолиши мумкин. Агар Килиан Мбаппе жамоани тарк этса, француз гиганти 31 ёшли футболчини сақлаб қолади. ОАВда франциялик футболчининг ёзда “Реал”га ўтиши ҳақида анчадан бери хабарлар тарқалган эди.

Агар Мбаппе кейинги мавсумда ҳам клубда қолса, Неймар катта эҳтимол билан сотувга қўйилади. Неймарнинг ўзи жамоада қолмоқчи, Парижда унга ҳамма нарса мос келади.

Неймар ўтган мавсумда 20та ўйин ўтказиб, 13та гол урган ва 11та голга ассистентлик қилган. Бразилиялик ҳужумчи ва парижликлар ўртасидаги амалдаги келишув 2025 йилнинг ёзига қадар тузилган.