Нидерландиянинг ишончли ҳимоячиси жароҳати сабаб Жаҳон чемпионатини ўтказиб юборади

"Арсенал" ҳимоячиси Юрриен Тимбер жароҳати туфайли Нидерландия терма жамоасига Жаҳон чемпионатида ёрдам бера олмайди.

Нидерландия футбол федерацияси маълум қилишича, 24 ёшли футболчи чаноқ соҳасидаги жароҳатидан тўлиқ тикланишга улгурмаган.

Тимбер Ўзбекистонга қарши ўртоқлик учрашувидан сўнг миллий жамоа йиғинини тарк этади.

Футболчининг ўрнини тўлдириш учун бош мураббий Роналд Куман "Сандерленд" ҳимоячиси Лутсхарел Гертрюйдани терма жамоага чақирди.

Тимбернинг йўқотилиши Нидерландия учун жиддий йўқотиш бўлиши мумкин, чунки у сўнгги йилларда жамоанинг асосий ҳимоячиларидан бирига айланган эди.