"Нижний Новгород" устози Йўлдошев ҳақида фикр билдирди

"Нижний Новгород" бош мураббийи Михаил Галактионов "Урал" устидан қозонилган ғалаба (1:0) ҳақида матбуот анжуманида гапириб ўтди. 

"Албатта, ғалаба психологик томондан муҳим бўлди. Олдинги учрашувларда яхши ўйнадик, аммо натижага эриша олмагандик. Бугун устунлик гоҳ бизда, гоҳида эса "Урал" томонда бўлди. 

Голдан сўнг учрашувни тўлиқ назорат қилдик. Шунингдек, ўзгаришлар ҳам ўйинимизга таъсир ўтказди. Жумладан, Йўлдошев ҳужумкор ҳаракатларни кучайтириб, рақиб дарвозасини ишғол қилди. Бунинг оқибатида биз ижобий натижага эришдик", - деди Галактионов.