Нико Уильямс нега яна бир суперклуб таклифини рад этди?

“Атлетик”нинг 22 ёшли ҳужумкор футболчиси Нико Уильямс бир неча гранд клублар орасида талаш бўлмоқда.

Испаниялик ўйинчи Европанинг энг бадавлат клубларидан ҳисобланган ПСЖдан таклиф олди. Парижликлар Нико Уильямсга уни чақираётган “Барселона”дан кўра беш баравар кўпроқ маош ваъда қилди.

Sport.es сайтининг ёзишича, Нико Уильямс Франция чемпиони чорловини қабул қилмаган ва таклифга рад жавобини берган.

Ўз навбатида, “Барселона” ҳам Никони қўлга кирита олгани йўқ. “Атлетик” раҳбарияти ўйинчи билан янги шартнома имзолаб, уни келаси ёз каттароқ маблағ эвазига трансфер қилмоқчи.

Хусусан, бу ёз ўйинчининг бадал пули 60 миллион евро атрофида баҳоланаётган бўлса, бильбаоликлар уни бир йилдан кейин камида 100 миллион еврога сотиб юбормоқчи.