Нико Уильямснинг акаси унинг суперклубга ўтишига йўл қўймаяпти

“Барселона” ўтган ёздан бери Испания терма жамоаси ва “Атлетик” ҳужумкор футболчиси Нико Уильямсни  ўз сафига қўшиб олишга ҳаракат қилмоқда.

Бир йил олдин ҳам каталонияликлар 22 ёшли футболчини қўлга киритишга яқин турганида Нико Бильбаода қолиш вариантини танлади ва “Барса”нинг деярли пишган трансфери барбод бўлди.

Sport.es сайтининг маълум қилишича, Никонинг акаси Иньяки Уильямс футболчига босим ўтказиб, унинг “Атлетик”дан кетишига қаршилик қилмоқда.

Манбага кўра, Никога Европанинг қатор грандлари қизиқмоқда. Бироқ унинг ўзи “Барселона”га ўтишга мойил бўлиб турибди. Уильямс Каталонияда футболчи сифатида янада ривожланиш имкониятига эга бўлишни кззламоқда.

“Барселона” эса, Нико Уильямсни каби қимматбаҳо ўйинчини олиш учун молиявий фэйр-плей қоидаларини бузмаслик йўлини топиши керак. Бунинг энг осон йўли таркибдан бир неча футболчилар сотиб юборишдир.