Никола Валентич: “Қўқон-1912” ҳали ўз сўзини айтади
Ads

 

2016 йилда “Қўқон-1912” жамоасида тўп сурган Никола Валентич ҳимоядаги ишончли ўйинлари орқали мухлисларда яхши таассурот қолдирган эди. Қўқонликлар матбуот хизмати сербиялик футболчи билан қисқача суҳбатлашишга муваффақ бўлди.

- Салом, Никола гаплашмаганимизга ҳам анча бўлди. Ҳозир нима билан бандсиз, қайси жамоада ўйнаяпсиз?

- Ҳозир уйдаман, ҳеч бир жамоада ўнаётганим йўқ.

- Демак, бўш вақтингиз кўп ва собиқ жамоангиз “Қўқон-1912” клуби натижаларини кузатиб боришга фурсат топяпсиз.

- Ҳа, “Қўқон-1912”га бефарқ эмасман. Жамоага бўлган меҳрим бўлакча. У ерда қисқа фурсат тўп сурган бўлсам-да, ёрқин дамларни ўтказганман. Шунинг учун имкон топдим дегунча “Қўқон-1912” жамоасига доир хабарларни ўқишга ҳаракат қиламан. Уларнинг натижаларини билиб бораман.

- Бу йилдан эътиборан “Қўқон-1912” сафида яна икки нафар сербиялик футболчилар - Марко Милич ва Милан Спремолар тўп сура бошлашди. Мазкур ўйинчиларни танийсизми?

- Ҳар икки футболчини ҳам яхши танийман. Марко ҳам Милан ҳам анча тажрибали ўйинчилар сарасига киради. Улар “Қўқон-1912”га ёрдам бера олишларига ишонаман.

- Жорий мавсумда янгича форматда ўтаётган Суперлига баҳслари ҳақида эшитган бўлсангиз керак. “Қўқон-1912” жамоаси мавсум стартидаги учта ўйинни сафарда ўтказди ва уларнинг иккитасида мағлубиятга учради.

- Суперлига ҳақида эшитдим. У ерда 12 жамоа иштирок этаётганидан ҳам хабарим бор. Қўқонликлар мавсумни яхши бошлай олишмаганини ҳам биламан. Лекин ҳали ҳаммаси олдинда деб ўйлайман. Нўъмон Ҳасанов кучли мутахассис у жамоа ўйинини кучайтира олади. Унинг жамоаси олдинга қараб кетмоқда. “Қўқон-1912” ҳали ўз сўзини айтади.

- Яна бир ҳамюртингиз Дарко Гожкович ушбу мавсумда ҳам Қўқонда ўйнамоқда. У билан гаплашиб турибсизми? Унинг жамоа ҳақидаги фикрлари қандай?

- Дарко билан тез-тез гаплашиб турамиз. У Қўқонда бахтиёр эканлигини “Қўқон-1912” жамоаси олдига юқори мақсад қўйилагани айтди.

- Қўқонлик мухлислар борасидаги фикрларингиз...

- Қўқонлик футбол ихлосмандлари ҳақида кўп гапириш мумкин. Улар жамоани жуда яхши кўришади. Ҳар доим “Қўқон-1912”ни қўллаб-қувватлаб туришади. Уларга ҳар қанча миннатдорчилик изҳор этсак ҳам кам.