Нималар қиляпсан? Хаби Алонсо "Челси"да олти ҳужумчи билан хайрлашмоқчи

Лондоннинг «Челси» клуби янги мавсум олдидан таркибни қайта шакллантирар экан, ҳужум чизиғи бўйича бир қатор муҳим қарорлар қабул қилмоқда. 

The Athletic нашри маълумотича, испаниялик ёш ҳужумчи Марк Гиу трансфер ойнаси ёпилгунча клубни тарк этиши кутилмоқда. Унга нисбатан ҳам ижара, ҳам тўлиқ сотиб юбориш варианти кўриб чиқиляпти.

Шу билан бирга, «Челси» раҳбарияти ҳалигача қайси ҳужумчидан воз кечиш бўйича якуний қарорга келгани йўқ. Ёзги трансфер даврида Николас Жексон, Лиам Делап ёки Эммануэль Эмега клубни тарк этиши мумкин. Ўтган мавсумни «Бавария» сафида ижарада ўтказган Жексон эса жамоанинг мавсумолди сафарига киритилган ва бош мураббий Хаби Алонсо кўз ўнгида ўзини кўрсатиш имкониятига эга бўлади.

Клуб, шунингдек, ҳужумчилар Давид Датро Фофана ва Дейвид Вашингтон билан ҳам хайрлашишни режалаштирмоқда. Фофана трансферга қўйилади, Вашингтон эса бошқа жамоага ижарага юборилади. 

Худди шу қарор ёш форвард Шумайра Меуэкига нисбатан ҳам қабул қилинган — у ҳам фаолиятини ижара асосида давом эттириши кутилмоқда.

Натижада, айнан шу ёзда «Челси»нинг ҳужум чизиғи сезиларли даражада янгиланиши мумкин.