Низомиддин Зиёвутдинов "Қўқон-1912"ни тарк этди

Про вакили “Қўқон-1912” жамоаси сафида ўзгаришлар юз бераётганидан хабарингиз бўлса керак. Бу хусусида сайтимиз орқали янгиликларни эътиборингизга ҳавола қилиб бормоқдамиз.

Sports.uz маълумотига қараганда, қўқонликлар таркибини иқтидорли дарвозабон Низомиддин Зиёвутдинов тарк этди.

Маълумот учун, ушбу посбон якунига етган мавсумда “Қўқон-1912” жамоасида 16 та учрашувда иштирок этди ҳамда 8 та ўйинни “қуруқ” ўтказди. Яъни, ўз дарвозаси дахлсизлигини сақлаб қола олган. Қолаверса, “Машъал”га қарши плей-офф учрашувида пенальтилар сериясида ҳам ўзини кўрсатгани ёдимизда.

Хўш, Зиёвутдинов янги мавсумни қайси жамоада бошлайди? Табиийки, футболчи ўзи учун қулай вариантлардан бирини танлайди. Воқеалар ривожини эса кузатамиз.