Novak Jokovich "US Open"dan diskvalifikatsiya qilindi

Bugundan AQSh ochiq chempionati - "US Open"da nimchorak final bahslari boshlangani haqida xabar qilgandik. Ushbu bosqich doirasidagi Pablo Karreno Busta va Novak Jokovich o‘rtasidagi bahs 1-setdayoq yakunlandi. 

11-geymda Karreno-Busta brek amalga oshirdi. Bundan asabiylashgan serbiyalik raketka ustasi qo‘lidagi to‘pni qaramagan holda ortga urib yubordi. To‘p to‘g‘ri chiziq hakamining tomoq qismiga borib tegdi. 

Garchi Novak bilmagan holda ushbu ishni amalga oshirgan va darhol uzr so‘rab, yordamga shoshilgan bo‘lsa-da, hakamlar uni diskvalifikatsiya qildi.