Нохуш хабар! Ўзбекистоннинг бугунги ўйини олдидан легионеримизда коронавирус аниқланди

ЎФА матбуот хизмати БААда ўқув-машғулот йиғини олиб бораётган терма жамоамиз ҳолати ҳақида маълумот берди. 

Айни пайтда Дубайда йиғин ўтказаётган Ўзбекистон миллий терма жамоаси аъзолари COVID-19га навбатдаги ПЦР тест топширди. Унга кўра, Иброҳимхалил Йўлдошевнинг тестида мусбат натижа қайд этилган.

Шуни таъкидлаш керак-ки, футболчимиз ўзини яхши ҳис этяпти ва коронавируснинг симптомлари кўзга ташланмаяпти. Шу сабабли, бир неча кундан кейин қайта тест топшириш режалаштирилган. Ҳозирда у шифокорларнинг назорати остида яккаланган ҳолда карантин ўтамоқда.