Нойер "Бавария" билан шартномасини узайтиришга шошилмаяпти

Мюнхеннинг "Бавария" клуби дарвозабони Мануэль Нойер клуб билан амалдаги шартномасини узайтиришга шошилмаяпти. Бу ҳақда Kicker нашри хабар бермоқда.

Юқоридаги манбаага кўра Нойер ўз қарорини мавсум якунлангач жамоа бошқарувига қайси мутахассис тайинланишига қараб қабул қилади. Айтиш керакки, у мавсум охиригача жамоага бош мураббий этиб тайинланган Ханс-Дитер Флик билан жуда яхши муносабатда.

Эслатиб ўтамиз, бундан аввалроқ Нойер "Шальке" посбони Александр Нюбелнинг "Бавария"га ўтганидан норози эканлиги ҳақида хабарлар тарқалган эди.

Маълумот учун, Нойер жорий мавсум Бундеслигада 17 та ўйинда майдонга тушди ва шуларнинг 5 тасида ўз дарвозаси дахлсизлигини сақлаб қолди. Унинг клуб билан амалдаги шартномаси 2021 йилга қадар имзоланган.