Нурсултон Рўзибоевнинг навбатдаги жанг санаси ва рақиби маълум!

Ҳамюртимиз UFC жангчиси Нурсултон Рўзибоевнинг (34-9-2-2NC) навбатдаги жанг санаси ва рақиби маълум бўлди. У 26 октябрь куни Абу-Даби шаҳрида бўлиб ўтадиган "UFC 308" турнирида россиялик Ринат Фахретдиновга (22-1-1NC) қарши жанг қилади.

Хабарингиз бор, юртдошимиз UFCда 3 та жанг ўтказиб, унинг 2 тасида муддатидан аввал ғалаба қозонган. Сўнги жангида у ўрта вазн (83,9 кг) да октагонга кўтарилиб, Хоакин баклига имкониятни бой бериб қўйганди. Бу сафарги жанги ярим ўрта вазн (77,1 кг)да  бўлиб ўтади. Фахретдинов UFCда 5 та жанг ўтказган ва уларнинг 4 тасида ғалаба ва бир маротаба дуранг қайд этганди. 

Мазкур муҳим жангда ҳамюртимизга омад тилаймиз!