Нурхон Қурбонова Паралимпия ўйинларининг бронза медалига сазовор бўлди!

Ҳозиргина пара енгил атлетика бўйича аёллар ўртасида F54 классида ядро улоқтириш бўйича финал баҳслари якунланди. Биз учун аҳамиятлиси, ушбу дастурда қатнашган вакилимиз Нурхон Қурбонова 7.75 метр натижа қайд этиб, бронза медалга сазовор бўлди. Таъкидлаш лозимки, спортчимиз ушбу натижа орқали мавсумдаги энг яхши кўрсатгичини қайд этди. 

Маълумот учун, Нурхон Қурбонова бундан аввал Токио-2020 ёзги Паралимпия ўйинларида кумуш ва бронза медалини қўлга киритган.