Obameyang "Arsenal" tarixiga kirdi

Londonning "Arsenal" klubi hujumchisi Per-Emerik Obameyang APLning so‘nggi turida "Xaddersfild" (1:0, birinchi bo‘lim) darvozasini ishg‘ol etishga muvaffaq bo‘ldi.

E’tiborlisi, ushbu gol gabonlik hujumchi uchun APLdagi 10-gol bo‘ldi. Uning bu natijani qayd etishi uchun bor yo‘g‘i 13ta o‘yin etarli bo‘ldi. Shu tariqa Obameyang “kanonirlar” safida premer-ligada eng tezkor 10ta gol urgan futbolchiga aylandi.

Eslatib o‘tamiz, Per-Emerik Obameyang “Arsenal” safiga qishki transferlar davrida “Borussiya” Dortmunddan 64 mln evro evaziga kelib qo‘shilgan edi.