ОЧЛ. Бугун "Пахтакор" гуруҳ пешқадамига қарши майдонга тушади

Бугундан Осиё Чемпионлар Лигаси 3-тур учрашувларига старт берилади. Унда юртимиз шарафини ҳимоя қилаётган вакилимиз ўз ўйини ўтказади.

"Б" гуруҳи пешқадамлиги учун кечадиган баҳсда "Пахтакор" БAAнинг "Шаржа" клубига қарши майдонга тушади. Ўйин Тошкент вақти билан соат 23:00 да старт олиши режалаштирилган. Эслатиб ўтамиз, мазкур жамоа таркибида Отабек Шукуров тўп тепади.

3-тур олдидан "шерлар" 2 очко жамғарган ҳолда, 2-ўринда бормоқда. Шаржа клуби ҳисобида 4 очко бор ва бугун улар гуруҳ етакчиси сифатида майдонга тушади.