ОЧЛ. "Насаф" бугун "Шаржа"дан сафардаги мағлубият учун реванш олишга уриниб кўради
Бугун Осиё чемпионлар лигасида 4-тур учрашувлари старт олади. Кун доирасида учта жамоамиз ўз ўйинини ўтказиши кўзда тутилган.
Дастлаб, Қаршида "Насаф" Бирлашган Араб Амирликларининг "Шаржа" жамоасини қабул қилади. Беллашув Тошкент вақти билан 19:00 да старт олади.
Учрашувни "Спорт" телеканали орқали жонли эфирда томоша қилишингиз мумкин. Шунингдек, телеграмдаги "SPORTS.uz Gollar" каналимиз орқали ҳам ўйин трансляциясини кузатиш имконига эгасиз.
Маълумот ўрнида, ҳозирга келиб "Насаф" ўз гуруҳида 2-поғонани банд этиб турибди. Рўзиқул Бердиев шогирдлари 3 та ўйинда 6 очко тўплашга муваффақ бўлган.
Фикрлар