ОЧЛ. Шукуров бугун ҳам амалдаги чемпионга гол ура оладими?

Бугун Осиё Чемпионлар лигасида 5-турнинг 4 та ўйини бўлиб ўтади.

22:15 да старт оладиган учрашувлардан бирида "Насаф" майдонга тушса, бошқасида легионеримиз Муҳаммад Исаев ҳаракат қилаётган "Истиқлол" клуби Қатарнинг "Ал-Райян"и билан ўзаро муносабатларга ойдинлик киритиб олади.

Шунингдек, Отабек Шукуров бошчилигидаги "Шаржа" амалдаги чемпион "Ал-Ҳилол" синовидан ўтади. Баҳс бизнинг вақт билан 01:15 да бошланади. Томонларнинг дастлабки даврадаги қарама-қаршилигида саудияликлар 2:1 ҳисобида зафар қучган ва легионеримизнинг голи жамоасига ёрдам бера олмаганди.