"OCTAGON 60" турнирида жанг қилувчи ўзбекистонликлар билан танишинг ёхуд ҳамюртимиз Магомед Анкалаевни мағлуб этган жангчига қарши!

19 июль куни Алмати шаҳрида "OCTAGON 60" юбилей турнири бўлиб ўтади. Мазкур жанг кечасида бир қатор ўзбекистонлик жангчилар ҳам октагонга кўтарилади. Жумладан, ярим оғир вазн тоифасида чемпионлик камари учун ҳамюртимиз Ислом Балтаев амалдаги чемпион Қозоғистон вакили Мурад Абдураҳмонов (9-2) билан жанг қилса, ярим ўрта вазнда Шоҳасан Мирзаматов озарбайжонлик Маҳир Мамедовга (16-3) қарши октагонга кўтарилади.
Шунингдек, Фаҳриддин Қосимжонов қозоғистонлик истеъдод Саят Абдуалига (5-0) қарши баҳс юритса,  Мансур Отажонов яна бир мезбонлар вакили Кастер Саркитбек (3-1) билан тўқнаш келади.  Яна бир вакилимиз Жавоҳир Нарзуллаев ҳам Қозоғистон вакили Арсен Манапов (3-0) билан жанг қилади. 

Шу ўринда эслатиб ўтиш жоизки, ҳамюртимиз Ислам Балтаев жанг қиладиган Мурад Абдураҳмонов WMMAA - 2014 World Championships финалида UFCнинг ТОП жангчиси ярим оғир вазн тоифасида чемпионликка даъвогар Магомед Анкалаевни мағлуб этганди. 
Албтата, ушбу муҳим жангларда ҳамюртларимизга омад тилаймиз!