Одил Аҳмедовнинг собиқ устози жамоаси билан УЕФА Чемпионлар лигасида иштирок этади

"Марсель" клуби бош мураббийи Андре Виллаш-Боаш жамоадан кетмасликка қарор қилди.

“Мен “Марсель”да бахтлиман ва жамоа билан Чемпионлар лигасида иштирок этмоқчиман. Янги шартномага келадиган бўлсак, аввало молиявий аҳволни инобатга олиш керак. Ҳар бир мураббий муносиб иш шароитига эга бўлишни хоҳлайди”, - дея фикр билдирган португалиялик мутахассис.

Виллаш-Боаш "Марсель"ни 2019 йилдан буён бошқариб келмоқда. Унинг бошқарувидаги жамоа жорий мавсум Франция чемпионатида ПСЖдан сўнг 2-ўринни эгаллади ва Чемпионлар лигасига йўлланмани қўлга киритди. У бунгача "Порту", "Челси", "Тоттенхэм", "Зенит" ва "Шанхай СИПГ" клубларини бошқарган.

Матнда хатолик топсангиз, ўша хатони белгилаб, бизга жўнатинг (Ctrl + Enter)