ЎФА эртага матбуот анжумани ўтказилишини эълон қилди

17-18 май кунлари Тошкентда Италия ва Ўзбекистон футболи афсоналари учрашуви ўтказилиши ҳақида хабар бериб ўтгандик. Ўзбекистон футбол ассоциация ва BMB Trade Group компанияси томонидан ўзбек футболининг 110 йиллигига бағишлаб ўтказилаётган ушбу ўйинда узоқ йиллар давомида юртимиз шарафини муносиб ҳимоя қилган футболимиз афсоналари миллий терма жамоа билан хайрлашадилар.

6 май куни мазкур тадбирларга бағишлаб матбуот анжумани ўтказилади. Ушбу анжуманда Ўзбекистон ва Италия футболи юлдузлари ўртасидаги учрашув борасидаги тўлиқ маълумот, жамоалар таркиблари ва тадбирлар режаси ҳақида маълум қилинади.

Анжуман эртага 18:30да ЎФА мажлислар залида ўтказилади.