ЎФА махсус инспекцияси томонидан Суперлига ва Про лига клублари иштирокида семинарлар давом эттирилмоқда

Аввал хабар берганимиздек, ЎФА махсус инспекцияси вакиллари томонидан янги мавсум олдидан жамоалар иштирокида семинарлар ўтказилмоқда. Бугун “Турон” футбол клуби билан ана шундай учрашув бўлиб ўтди.

Унда ЎФА махсус инспекцияси вакиллари келишилган ўйинларга йўл қўймаслик, унинг салбий оқибатлари ва қўлланиладиган кескин чоралар ҳақида тушунчалар бериб ўтдилар. Клуб раҳбарияти, мураббийлар ва футболчиларга мавзуга оид маълумотлар тақдим этилди.