ЎФA президенти Aбдусалом Aзизов МТЖ бош мураббийи Сречко Катанец олдига аниқ вазифа қўйди

Хабарингиз бор, ЎФA томонидан Ўзбекистон миллий терма жамоасига янги бош мураббий тайинлаш мақсадида хорижий ва маҳаллий мураббийлар номзоди синчковлик билан ўрганиб чиқилди. Мураббийлар кенгаши ҳамда мутахассисларнинг таҳлил ва тавсиясига кўра словениялик тажрибали мураббий Сречко Катанец номзоди маъқул, деб топилди.

ЎФA раҳбари Сречко Катанец бошчилигидаги миллий терма жамоамиз мураббийлар штабига Ўзбек халқининг азалий орзуси ҳисобланган жаҳон чемпионати йўлланмасини қўлга киритиш вазифасини қўйди. Бу йўлда келажакни кўзлаб, ёш, истеъдодли, курашувчан ва ватанпарвар футболчилардан иборат рақобатбардош таркибни шакллантириш зарур эканлигини аълоҳида таъкидлади. Бу ҳақда ЎФА матбуот хизмати хабар берди.

Расман! Ўзбекистон МТЖга бош мураббий тайинланди. У қанча муддатга шартнома имзолагани ҳам маълум (Фото)

Сречко Катанец: Ўзбекистон МТЖдаги маоши, футболимизга берилган баҳо, юртимиздаги энг кучли клуб ва бошқалар ҳақида

Ўз навбатида, Сречко Катанец ишонч ва имконият учун ЎФA раҳбариятига миннатдорчилик билдирди ҳамда бор билим ва тажрибасини ишга солган ҳолда ҳар бир ўйинда жамоани фақатгина ғалаба томон етаклашини айтиб ўтди.

Маълумот ўрнида, бугун Сречко Катанецнинг Ўзбекистон футбол ассоциацияси билан шартнома имзолаш маросими бўлиб ўтди. Шартномага кўра, словениялик мутахассис 2025 йилга қадар Ўзбекистон миллий терма жамоаси бош мураббийи сифатида фаолият юритади.