ЎФАнинг навбатдан ташқари конференцияси бўлиб ўтди

Конференция пойтахтимиздаги “Radisson BLU” меҳмонхонасида ўтказилади ва соат 15:00да бошланади. Кун тартибидан 2018 йил 25 январда бўлиб ўтган Конференция баённомасини тасдиқлаш, молиявий ҳисоботни тасдиқлаш, (мустақил аудитор ҳисоботи), ЎФА уставига қўшимчаларни киритиш ва уставни янги таҳрирда тасдиқлаш ва ЎФА президенти, вице-президенти ва Ижроия қўмитаси аъзоларини сайлаш ўрин олган.

Конференцияда ФИФА, ОФК вакиллари, шунингдек Суперлига ва Про-лига жамоалари раҳбарлари, футбол жамоатчилиги ва ОАВ ходимлари иштирок этишмоқда.

15:40 Шунинг билан ЎФАнинг навбатдан ташқари конференцияси якунига етди.

15:30 Абдусалом Азизов ЎФА Президенти этиб сайланди, делегатларнинг барчаси бир овоздан Абдусалом Абдумавлонович номзодини қўллаб-қувватлашди

15:25 Илгари сурилган номзод ҳақида ўзбек футболи фаҳрийси Аҳрол Иноятов ўз фикрларини билдириб, янги раҳбариятга бошланажак фаолиятида омад тилади

15:24 ЎФА президентлиги учун Абдусалом Азизов Абдумавлонович номзоди илгари сурилмоқда

15:23 Ўзбекистон футбол Ассоциацияси – Вице-президенти лавозимига – Жўраев Муҳиддин Ўткирович сайланди

15:21 Равшан Эрматов Ўзбекистон футбол ассоциацияси биринчи вице-президенти этиб, Равшан Эрматов делегатлар томонидан бир овоздан сайланди

15:19 ЎФА уставининг янги таҳрири ҳам делегатлар томонидан тасдиқланди

15:17 Мустақил аудиторларнинг молиявий ҳисоботи бир овоздан тасдиқланди

15:15 2018 йилнинг 25 январ санасида бўлиб ўтган конференция баённомаси бир овоздан тасдиқланди

15:14 Бугунги конференцияни Аваз Максумов олиб бормоқда

15:12 Шавкат Имомов ЎФА техник диретори, Ғайрат Хидоятов мониторинг инспектори этиб сайланишди

15:10 Бугунги конференцияда 77 делегатнинг 68 таси иштирок этишмоқда. 9 нафар делегат эса узрли сабабларга кўра кела олишмаган

15:05 Маросим бошланди