ОКМК – "Навбаҳор". Баҳс тақдирини нима ҳал этади?

SPORTS.uz сайти журналисти Яҳёхўжа Улуғхўжаев Жар стадионида бўлиб ўтиши кутилаётган ОКМК – “Навбаҳор” баҳси олдидан ўз телеграм каналида ўйинга оид фикр ва мулоҳазалари билан ўртоқлашди. Унинг ёзишича, бу баҳс натижаси чемпионатда бурилиш ясаб юбориши мумкин:

"Суперлига шунчаки “бомба” темпда кетмоқда. Тўғриси, унинг якуни ўтган йилгиданда каттароқ резонанс беришини кутяпман. Балки, сўнгги турда бир йўла Ўзбекистоннинг 3 шаҳридаги параллель ўйинлар натижаси ғолибни аниқлаб берар) Майли, ортиқча интрига қилмоқчи эмасман. Шунчаки, “Жар” мезбонлик қиладиган ОКМК – “Навбаҳор” қарама-қаршилиги ҳақида тўхталиб ўтмоқчиман.

Ҳақиқатдан ҳам анчагина ўзгача “матч”. Икки бир-бирига услуб жиҳатдан ўхшаб кетадиган “йиртқичлар” тўқнашуви бизни кутмоқда. Менимча, темп, ўйин сифатида борасида бу турдаги қолган ўйинлардан кўпроқ нарса бера оладиган 90 дақиқа бўлади.

Менга бир нарса жуда қизиқ. Хўш, тўп назорати кимда кўпроқ бўлади? Айнан шу фактор якунда ғолиб номига аниқлик киритиб берса керак. Хар ҳолда, бу баҳсни бемалол 6 очколик ўйинлар сирасига киритиш мумкин. Чемпионликни “Навбаҳор” олдига мақсад қилиб қўйган бўлса, унга биринчи қадам “ЖАР” аренада ташланиши керак. 5 - ўйинга келиб, жамоани барча боғламлари ишга тушиб кетиши лозим. Жамоаларнинг имконияти тенг бўлгани билан, “лочинлар”да ишга тушириш имкони бўлган ресурслар кўпроқ.

Бежизга, чемпионлик пойгасига “Навбаҳор”ни ОКМК билан баҳсдан сўнг кириши ҳақида ёзмадим. Миржалол Қосимов жамоасини енгиш учун Самвел Бабаян жамоасини ўша яширин ресурсларини жангда ишлата олиши лозим.

Қизиқ парадокс. ОКМК ҳам бу йил кучлилар ортидаги энг зўр ўртамиёна “тамғасидан” қутилишни истаса, катта муваффиқайтга йўл айнан “Навбаҳор” устидан қозониладиган ғалабадан сўнг бошланишини ҳис қилиб турибди. Катта ўйинга, катта қарталари бор “ўйинчилар” кириши керак. Эртага ана шундай катта ўйин бўлади. Бу энди оддий ўйин даражасидаги баҳс эмас. Истак ва хоҳишлар тўқнашувига айланиб кетадиган, чемпионатнинг илк бурилиш нуқтаси!

Шу постни эслаб қолинг. Мавсум сўнггида уни аслида нимага ёзганимни тушуниб оласиз!"

Эслатиб ўтамиз, учрашув бугун 18:05 да старт олади. "Дунё Бўйлаб" каналида уни жонли томоша қилишингиз мумкин!