ОКМК - "Пахтакор": Ўзаро учрашувларда устунлик ким томонда?

Суперлиганинг 2-туридан ўрин олган учрашувда "Пахтакор" 16 март куни ОКМК меҳмони бўлади.

Ҳозирга қадар чемпионатлар тарихида жамоалар 34 марта ўзаро тўқнаш келишган. 23 беллашувда "шерлар" ғалаба қозонган. 5 баҳсда дуранг қайд этилган бўлса, 6 марта Олмалиқ клуби зафар қучган. "Пахтакор" 60 тўп киритиб, 25 гол ўтказиб юборган. 7 муваффақиятни "шерлар" йирик ғалаба билан қўлга киритишган. Олмалиқда кечган 17 ўйиннинг 13 тасида "Пахтакор" устун келган. ОКМК эса 4 учрашувда ютуққа эришган. Сафарда 33 гол урган ҳолда, 12 тўп ўтказиб юборилган.

Маълумот ўрнида. ОКМК ва "Пахтакор" жамоалари ўртасидаги 2-тур беллашуви якшанба куни соат 20:00 да Олмалиқдаги ОКМК стадионида бошланади.