ОКМК бир кунда иккита ўйин ўтказди. Натижалар эса...

Миржалол Қосимов устозлик қилаётган ОКМК клуби Анталиядаги йиғини доирасида бугун иккита ўртоқлик учрашувида майдонга тушди.

Дастлаб Украинанинг "Колос" 2 жамоасига қарши баҳсда ОКМК Али Абдураҳмоновнинг 88-дақиқада киритган ягона голи эвазига ғалаба қозонди.

ОКМК таркиби: Д.Ёқубов, Э.Бегимов, А.Каримов, А.Ўлмасалиев, А.Муқумжонов, Г.Папава, А.Саримсоқов, А,Турдиалиев (А.Айсаров), Н.Сенага (С.Мирзаев), А,Ўктамов, А.Абдураҳмонов.

Куннинг иккинчи ярмида эса олмалиқликлар Қозоғистоннинг "Турон" жамоаси билан беллашди. Бу сафарги учрашувда эса дарвозалар дахлсиз қолди - 0:0.

ОКМК: Жавоҳир Илёсов, Дилшод Аҳмадалиев, Сардор Раҳмонов, Ислом Тўхтахўжаев, Саидафзалхон Аҳроров, Ойбек Рустамов, Арихиро Сентоку, Миржамол Қосимов, Асад Собиржонов, Хуршид Ғиёсов, Нодир Абдураззоқов.