ОКМК янги мавсум учун либосларини намойиш этди (видео)

ОКМК клуби 2023 йилги мавсумда фойдаланадиган либосларини тақдим этди.

Жамоа 2023 йилги футбол мавсумида ҳам Германиянинг ЖАКО компанияси либосларидан фойдаланади. Бу борада ОКМК "Теам Спорт экипировкалар маркази" билан ҳамкорлик қилади.

Клуб ЖАКО компаниясининг икки хил рангдаги формаларини танлади. Кўк рангли либос клуб бош ҳомийси ОКМК АЖ фаолиятини уйғун этувчи рангли металлургия саноатини эслатиб турса, оқ либос поклик ва самимийликни ифода этади.

Уй учрашувлари учун кўк рангли формалар танланган, сафар ўйинларига оқ либослардан фойдаланиш кўзда тутилган.