Октябрь ойи ММА мухлисларини зериктириб қўймаслиги аниқ

Мазкур ой ММА мухлисларини зериктириб қўймайди, десак янглишмаган бўламиз. Чунки октябрда бир қатор ажойиб турнирлар бўлиб ўтиши режалаштирилган. 

18 октябрь куниёқ 4 та турнир ташкил қилинади. Жумладан, Россиянинг Санкт-Петербург шаҳрида "Open FC 47", Сочида "AMC Fight Nights 125" бўлиб ўтади. АҚШ да эса "CFFC 137" ва "LFA 194" мусобақалари ўтказилади.

19 октябрда эса ММА мухлисларини 6 та катта жанг кечалари кутиб турибди. Улар Қозоғистондаги "Naiza 68", Испаниядаги "Brave CF 89", Чехиядаги "KSW 99" , Саудия Арабистонидаги "PFL Battle of the Giants", АҚШ даги "UFC Vegas 99" ва Бразилиядаги "Jungle Fight 131" турнирларидир. Эътиборлиси, "PFL Battle of the Giants" мусобақасида Фрэнсис Нганну - Ренан Феррейра, Крис Сайборг - Ларисса Пачеко, Жонни Эблин - Фабиан Эдвардс жанглари бўлиб ўтади. "UFC Vegas 99" нинг асосий тўқнашувида Мишель Перейра Энтони Эрнандесга қарши  октагонга кўтарилади. "Naiza 68" да эса ютдошимиз Ҳумоюн Тўхтамуродов эронлик Алириза Шариати билан кураш олиб боради.

21 октябрь куни Россия пойтахти - Москвада "MMA Series 85" турнири ўтказилади. Унда ҳамюртимиз Бобур Абрайқулов мезбонлар вакили Олег Белозеровга қарши жанг қилади.

22 октябрь куни "UAE Warriors 55" мусобақасида Хотамбек Бойназаров озорбайжонлик Таҳир Абдуллаев билан тўқнаш келади.

26 октябрь куни БАА нинг Абу-Даби шаҳрида "UFC 308" турнири бўлиб ўтади. Ушбу кечада Илия Топурия - Макс Ҳоллоуэй, Хамзат Чимаев - Роберт Уиттакер, Магомед Анкалаев - Александр Ракич ва бошқа жангчиларнинг супер тўқнашувларини томоша қилишингиз мумкин.