Олимпиада чемпиони жаримага тортилди

Ижтимоий тармоқларда "Париж-2024" Олимпиадаси чемпиони Асадхўжа Мўйдинхўжаев президент совға қилган автомобилида белгиланган тезликдан юқори ҳаракатланган видеоси тарқалди. 

Спортчи шаҳар марказида ўз автомобилида 110 км/соат тезликда ҳаракатланган. Мўйдинхўжаевнинг бу иши кенг жамоатчилик муҳокамасига ва эътирозларга сабаб бўлди. 

Ички ишлар бош бошқармаси Йўл ҳаракати хавфсизлиги хизмати матбуот хизмати берган хабарга кўра, спортчимиз жаримага тортилган.

"Ҳолат юзасидан Тошкент шаҳар ИИББ ЙҲХБ ходимлари томонидан ҳайдовчи 2001 йилда туғилган M.A.ga  нисбатан Ўзбекистон Республикаси МЖТКнинг 128 прим 3-моддаси 3-қисмига мувофиқ маъмурий баённома расмийлаштирилиб ҳайдовчи билан профилактик суҳбат олиб борилди", - дейилади хабарда.