![](https://static.sports.uz/crop/ba79a20460b05d2a80243b0e7c0ccefd.jpg)
Олимпиада очилишида байроқларни қайси машҳур спортчилар кўтаради?
Олимпия ўйинларининг расмий очилиш маросимида стадион бўйлаб ўз мамлакати байроғини кўтариб ўтиш ҳар қандай спортчига улкан фахр бағишлайди.
Париж Олимпиадасида қайси машҳур спортчиларга бундан шарафли вазифа ишониб топширилганинаи қуйидаги рўйхатдан билиб оласиз.
АҚШ – баскетбол бўйича икки карра олимпия чемпиони ЛеБрон Жеймс ва теннис бўйича АҚШ очиқ чемпионати ғолибаси Коко Гауфф.
Германия – баскетбол бўйича жаҳон чемпиони Деннис Шредер ва дзюдо бўйича жаҳон чемпиони Анна-Мария Вагнер.
Италия - баландликка сакраш бўйича олимпия ва жаҳон чемпиони Жанмарко Тамбери ва қиличбозлик бўйича ўн карра жаҳон чемпиони Арианна Эрриго.
Қатар – баландликка сакраш бўйича “Токио-2020” чемпиони Мутаз Исо Баршим ва енгил атлетикси Шаҳад Муҳаммад.
Канада – енгил ва оғир атлетика бўйича олимпия чемпионлари – Андре Де Грасс ва Мод Шаррон.
Хитой – стол тенниси бўйича беш карра олимпия чемпиони, 14 карра жаҳон чемпиони Ма Лон ва синхрон сузиш бўйича саккиў карра жаҳон чемпиони Фэн Юй.
Грузия – оғир атлетика бўйича икки карра олимпия ва етти карра жаҳон чемпиони Лаша Талахадзе ва ўқ отиш бўйича олти карра жаҳон чемпиони Нино Салуквадзе.
Қозоғистон – бокс бўйича жаҳон чемпиони Асланбек Шимбергенов ва енгил атлетикачи Ольга Сфоронова.
Украина – теннис бўйича Олимпия ўйинлари совриндори Элина Свитолина.
Арманистон – бокс бўйича жаҳон чемпионати совриндори Давид Чалоян.
Ўзбекистон – бокс бўйича жаҳон чемпиони Абдумалик Халаков ҳамда қилизбозлик бўйича Осиё ўйинлари ғолибаси Зайнаб Дайибекова.
Озарбайжон – бокс бўйича жаҳон чемпионати совриндори Магомед Абдуллаев.
Тожикистон - дзюдо бўйича Оисё ўйинлари совриндори Темур Раҳимов.
Қирғизистон – дзюдо бўйича жаҳон чемпионати совриндори Эрлан Шеров.
Эслатиб ўтамиз, аввалги икки Олимпия ўйинларининг расмий очилиш маросимида Ўзбекистон Республикаси байроғини кўтариб ўтиш бокс бўйича машҳур чемпион Баҳодир Жалоловга ишониб топширилган эди.
Фикрлар