"Олтин тўп" ҳақида билишингиз керак бўлган муҳим маълумотлар: қайси клуб рекордчи, энг ёш ва энг қари совриндор ким?

"Олтин тўп"нинг бой тарихи бор - бугун тунда мукофотнинг 69-соҳибини билиб оламиз. Қуйида мукофот ҳақидаги асосий маълумотларни тақдим этамиз.

Месси рекордчи, Роналду эса унга яқин

36 нафар футболчи фаолиятида бир марта "Олтин тўп"ни қўлга киритган. Яна ўн нафар ўйинчи эса икки ва ундан ортиқ маротаба мазкур мукофотга эга чиққан. Қуйида совринга икки ёки ундан кўп лойиқ топилган футболчилар билан танишишингиз мумкин:

• Лионель Месси - 8
• Криштиану Роналду - 5
• Мишель Платини - 3
• Йохан Кройфф - 3
• Марко ван Бастен - 3
• Беккенбауэр - 2
• Роналдо - 2
• Альфредо Ди Стефано - 2
• Кевин Киган - 2
• Карл-Хайнц Румминигге -2 

Месси шундай рекордчики, яқин йилларда унга етиб олиш мутлақо имконсиз. Криштиану Роналдуни ҳам ҳозирча ортда қолдириш қийин. Бешликда узоқ даврларда тўп тепган учлик ҳам бор: 1970 йиллардан - Йохан Кройфф, 1980 йиллардан - Мишель Платини, 1990 йиллар бошидан - Марко ван Бастен.

Ўтган ўн йилликда фаолиятини якунлаган футболчилардан бу ўнликда фақатгина Роналдо бор.

Аргентина мукофотлар сони бўйича биринчи ўринда

Месси туфайли Аргентина "Олтин тўп" сони бўйича мамлакатлар орасида пешқадамлик қилмоқда. Тахмин қилганингиздек, саккизта мукофотнинг барчаси Мессида.

Яна тўртта миллат яқинлашиб келмоқда - уларнинг ҳар бири рекордга етиб олиши мумкин. Агар "Олтин тўп"ни, Усмон Дембеле ёки Витинья қўлга киритса, шундай бўлади.

• Аргентина - 8
• Франция - 7
• Германия - 7
• Нидерландия - 7
• Португалия - 7

Англия, Италия (бешта совриндан) ва Испания (тўрттадан) энг кучли бешликка кира олмади. Инглизлар 2001 йилдан бери (Майкл Оуэн), италияликлар 2006 йилдан бери (Фабио Каннаваро), испанлар эса ўтган йили (Родри) 1960 йилдан буён биринчи марта "Олтин тўп"ни қўлга киритишди.

Қайси мамлакатларда "Олтин тўп" совриндорлари энг кўп? Бу ерда учта етакчи бор

• Франция - 5
• Германия - 5
• Италия - 5
• Бразилия - 4
• Англия - 4

Агар Усмон Дембеле ғалаба қозонса, Францияни бу рўйхатда ягона пешқадамга айлантиради ва Раймон Копа, Жан-Пер Папен, Мишель Платини, Зинедин Зидан ҳамда Карим Бенземага қўшилади.

Немисларда ҳам хилма-хиллик мавжуд, лекин кўпроқ ўтмишдан: Герд Мюллер, Франц Беккенбауэр, Карл-Хайнц Румменигге, Матиас Заммер ва Лотар Маттеус. Италиялик бешлик эса қуйидагича: Жанни Ривера, Омар Сивори (у Аргентина терма жамоасида ҳам ўйнаган, аммо совринни италиялик сифатида олган), Паоло Росси, Роберто Бажжо ва Фабио Каннаваро.

Португалияликларда совринлар кўп, бироқ Роналдудан ташқари уларни фақат Эусебио ва Луиш Фигу қўлга киритган.

Фақатгина битта мукофотга эга бўлган мамлакатлар ҳам бор: Болгария (Христо Стоичков), Венгрия (Флориан Альберт), Дания (Аллан Симонсен), Либерия (Жорж Веа), Шимолий Ирландия (Жорж Бест), Украина (Андрей Шевченко), Хорватия (Лука Модрич), Шотландия (Денис Лоу). Чехословакиядан Йозеф Масопуст, Чехияда эса Павел Недвед.

Футболчилари энг кўп "Олтин тўп"ни қўлга киритган мураббийлар рўйхатида Жованни Трапаттони етакчилик қилмоқда: олтита соврин тўрт хил футболчига насиб этган, яримини Платини олган, қолган уч совриндор эса - Паоло Росси, Лотар Маттеус ва Роберто Бажжо.

Карло Анчелотти даврида бешта совринни қўл остидаги футболчилар қўлга киритган: Андрей Шевченко, Кака, Роналду (2 марта) ва Бензема. Хосеп Гвардиола даврида ҳам шунча бўлган: тўрт марта Месси, яна бир марта - Родри.

Агар бугун "Олтин тўп"да Дембеле ёки Витинья ғалаба қозонса, бу Луис Энрике жамоасидаги футболчининг иккинчи соврини бўлади: ўн йил олдин унинг қўл остида "Барселона"да Месси ғолиб чиққанди. Ламин Ямал ёки Рафиньянинг ғалабаси эса Ханс-Дитер Флик учун биринчиси бўларди.

"Олтин Тўп" соҳибларининг аксарияти "Барселона" ва "Реал Мадрид"да ўйнаган

Ҳисоб-китобларда бир нечта баҳсли ҳолатлар юз берди. Масалан, Лионель Месси 2021 йилнинг кузида мукофотни қўлга киритди - бу пайтда у ёзда "Барселона"дан ПСЖга ўтган эди. Расман ПСЖ футболчиси бўлса-да, "Олтин Тўп"га кўпроқ "Барселона" футболчиси сифатида лойиқ бўлган.

Бу ҳолатда биз келишув асосида унинг мукофотини иккала клубга ҳам ҳисобладик, сабаби ўша пайтда "France Football" ўтган мавсумни эмас, балки тақвим йилини баҳоларди.

• "Барселона" - 15
• "Реал Мадрид" - 12
• "Ювентус" - 9
• "Милан" - 8
• "Бавария" - 5

Бешталик рўйхатга кирмаган жамоалардан бири "Манчестер Юнайтед" ҳисобланади. Жамоа ўйинчилари тўрт маротаба "Олтин Тўп"ни қўлга киритишган.

Шунингдек, юқори лигалардан бўлмаган, аммо ўйинчилари ғолиб бўлган жамоалар ҳам бор: "Бенфика" (Эусебио), "Динамо Киев" (Олег Блохин, Игорь Беланов), "Динамо Москва" (Лев Яшин),"Дукла" (Масопуст), "Интер Майами" (Месси), ПСВ (Руд Гуллит), "Ференцварош" (Флориан Альберт).

Агар жуда расмий ёндашадиган бўлсак ва мукофотни фақат ўйинчининг жорий клубига ҳисоблайдиган бўлсак, "Реал Мадрид" ва "Барселона"нинг мукофотлари тенг - 12 тадан.

"Олтин тўп"ни қўлга киритилган даврдаги клублар бўйича тақсимот қуйидагича кўринишда:

• "Реал Мадрид" - 8 
• "Ювентус" - 7
• "Барселона" - 6
• "Милан" - 6
• МЮ - 4

Юқорида тилга олинган Роналду, Фигу, Каннаваро, Копа ва Бенземадан ташқари, "Реал" сафида Алфредо Ди Стефано, Роналдо ва Лука Модрич ҳам "Олтин тўп" соҳибига айланган.

"Барселона"да Мессидан ташқари, Кройфф, Ривалдо, Роналдо, Роналдиньо, Христо Стоичков, Фигу ва испаниялик Луис Суарес ҳам бу мукофотни қўлга киритган.

Агар мукофотни қўлга киритиш пайтида ўйинчиларнинг фақат жорий клубларини ҳисобга олсак, "Реал"да саккизта, "Барселона"да олтита "Олтин тўп" бор.

Ушбу клублар туфайли Испания пешқадамлик қилмоқда. Барча "Олтин тўплар"нинг деярли 2/3 қисмини айнан шу икки чемпионат - Испания ва Италия вакиллари қўлга киритган.

• Ла Лига - 26
• А Серия - 20
• Бундеслига - 9
• АПЛ - 7
• Лига 1 - 4 

68 та "Олтин тўп"дан 54 таси европаликларга, 13 таси эса жанубий америкаликларга насиб этган (Мессидан ташқари, Роналдога иккита, Ривалдо, Роналдиньо ва Какага биттадан). Рўйхатда битта африкалик футболчи ҳам бор - уни Либериялик ҳужумчи Жорж Веа қўлга киритган.

Роналдо - энг ёш ғолиб, Мэтьюз эса - энг кекса совриндор бўлган

Бразилиялик Роналдо "Барселона"дан "Интер"га ўтганда, 21 ёшида мукофотни қўлга киритган. Энг ёш ғолиблар рўйхатида Месси ва Оуэн билан бирга Жорж Бест ҳам бор.

Энг ёш совриндорлар бешлиги билан танишинг.

• Роналдо - 21 ёш 1997 йил
• Лионель Месси - 22 ёш 2009 йил
• Майкл Оуэн - 22 ёш 2001 йил
• Жорж Бест - 22 ёш 1968 йил

Энг кекса ғолиблар бешлиги эса қуйидагича кўринишга эга.

• Стэнли Метьюз - 41 ёш 1956 йил
• Лионель Месси - 36 ёш 2023 йил
• Карим Бензема - 35 ёш 2022 йил
• Лионель Месси - 34 ёш 2021 йил
• Лев Яшин - 34 ёш 1963 йил

Айнан ҳужумчиларнинг бошқалардан кўра кўпроқ мукофот олишлари ажабланарли эмас. Рўйхатда фақат битта дарвозабон - Яшин, тўртта ҳимоячи - Беккенбауэр (икки марта), Заммер ва Каннаваро бор.

• Ҳужумчилар - 44 маротаба
• Ярим ҳимоячилар - 19 маротаба
• Ҳимоячилар - 4 маротаба
• Дарвозабон - 1 маротаба

Эҳтимол, бугун тунда ҳужумчилар ўз устунликларини янада мустаҳкамлайдилар.