"Олтин тўп" учун асосий номзодлар эълон қилинди

Нуфузли "Goal" портали 2025-йилги "Олтин тўп" совринини қўлга киритиш учун асосий даъвогарлар рейтингини янгилади. Биринчи ўринга катта эҳтимол "Ливерпуль" сафида сўнги мавсумини ўтказаётган Муҳаммад Салоҳ қўйилди. Мисрлик ҳужумчи жорий мавсум АПЛда 21 та гол ва 13 та ассист амалга оширган.

Иккинчи ўринда "Барселона" футболчиси Рафинья жой олган, у ҳам жуда яхши спорт формада бўлиб турибди. Кучли учликни яна бир каталониялик футболчи – Ламин Ямал якунлаб беради.

Кейинги ўринларда эса Роберт Левандовски, Килиан Мбаппе, Винисиус Жуниор, Харри Кейн, Жуд Беллингем, Жамал Мусиала ва Флориан Вирц бор.