Операциясидан қилинган Пётр Яннинг айни дамдаги аҳволи қандай?

Ўта енгил вазн тоифасида UFC чемпиони Пётр Ян январь ойи охирида ўтказилган бел операциясидан кейин тикланганини маълум қилди.

"Дўстлар, барчага салом! Вақт тез ўтмоқда. Мен етти кундан бери касалхонадаман. Ҳозир ўзимни бироз яхши ҳис қиляпман. Шунингдек, биз ўпкани реабилитацияси қилиш учун бассейн ва спорт залда ишлаяпмиз. Ўйлайманки, бир неча кундан кейин югуриш машқларини ҳам қўшаман", – деди россиялик ижтимоий тармоқларда.

Маълумот учун, Пётр Ян "UFC 323" турнирида Мераб Двалишвилини ҳакамларнинг якдил қарорига кўра енгиб, ўта енгил вазнда чемпионга айланди.