Ўқ отиш. Терма жамоамиз Осиё чемпионатини кучли учликда якунлади

Жанубий Кореяда ўқ отиш спорти бўйича навбатдаги Осиё чемпионати якунига етди. Мусобақанинг охирги кунида ҳам спортчиларимиз шоҳсупага кўтарилишди. Бу ҳақда МОҚ матбуот хизмати хабар тарқатмоқда.

Юқоридаги манбага кўра, 10 метрга пневматик тўппончадан отиш бўйича микст дастурида Муҳаммад Камалов ҳамда Нигина Саидқулова жуфтлиги кумуш медаль билан тақдирланди.

1-ўрин Ҳиндистон
2-ўрин Ўзбекистон
3-ўрин Жанубий Корея

Ушбу қитъа биринчилигида 17 мамлакатидан ташриф буюрган мерганлар ғолиблик учун кураш олиб бордилар. Аҳамиятлиси, унда иштирок этган Ўзбекистон терма жамоаси 3 та кумуш ва 3 та бронза медаллари билан умумжамоа ҳисобида кучли учликдан жой олди.

1-ўрин Ҳиндистон
2-ўрин Жанубий Корея
3-ўрин Ўзбекистон